重咩比d我唔想要的野我??????

這是我今天內第二篇發表的 Post, 其實原本想聽日先寫...但突然有 mood ...心血來潮...決定寫埋啦!!

在一個寜靜的晚上, 正當我如常地看別人的 blog 時...我發現了一篇文章. 我看完後, 就在我回覆時...神秘的靈感就如洪水一般來了...哈哈...那篇文章是關於感情的!! 而我打算說的都是感情...




以下係一段 A君 與 B君 的對話:


A: 其實你會唔會付出得太多? 這個人值唔值你付出咁多?

B: 我因為愛佢, 所以從不計較我付出多少...只要佢好就足夠了...

A: 你付出的同時, 有無諗過佢的感受?

B: 我付出咁多, 都係為佢好的...佢點會唔好, 點會唔開心呢, 佢應該開心同覺得好彩先係...我唔係對人人都咁好

A: 係係係...不過, 你給的, 係唔係佢要的?

B: 當然係啦...

A: 你唔係佢, 你點知呢? 你會唔會俾太多喇? 你睇, 佢好似唔多開心咁woo...

B: 係咁唔岩, 我付出了咁多, 應該唔開心的係我唔係佢...佢只係做收個個...點可以唔開心...佢根本唔了解我, 佢唔岩, 佢無本心...佢 hurt 我...

A: ... ...

B: ...


如是者, A 同 B 的對話一直無止境的繼續, 無了期的繼續...因為 A 講的唔係 B 想聽的話...


以上的對話係唔係好熟呢? 成日都聽到有人話 "我付出咁多, 你呢? 你對我點樣啊?" 其實...你會唔會對"佢"真係付出了太多呢? 佢值唔值得你付出咁多啊?

講真, 有人肯為我不計較和勞心勞力地付出, 其實真係幾幸運的. 最少証明了重有人關心和照顧我!! 例如, 我有事時, 關心我,照顧我; 我唔開心時, 陪我, 開解我; 我悶時, 陪我玩; 又會成日緊張我...簡直正啦, 係嗎? 重要, 緊你個位係你愛的人...嘩...成日睇 movie, drama, 什麼愛情故事都係想咁姐...!! 其實, 唔好話女仔, 男仔咪又一係樣...點會有人唔想俾人緊張呢...!!


不過, 轉個位置喇...再睇多一段對話:

C: 你知嗎? 我真係好辛苦啊, 你明嗎?

D: 唉, 點解啊? 明明見你地好地地的, 無啦啦做咩會搞成咁啊? 你兩個唔係一直都好 sweet 好鍾意對方咩?

C: 係就係, 但係佢...唉....我真係頂佢唔住喇...

D: 喂, 你唔係咁快想轉口味下...你唔好咁好woo...你地對你咁好...

C: 唉...有苦自己知...

D: 有幾苦啊? 人地無時無刻都咁緊張你, 日日都陪住你, 重有你上次有事個時, 得佢一個放低晒所有野來陪你啊, 你唔係咁死仔想轉口味下...係的話, 我真係睇錯你law...

C: 唉...

C: 我點會唔知呢? 我當然知啦, 人非草木, 我當係真係好鍾意佢啦...只係...好辛苦...

D: <<===
, 有幾...

C: 我問你喇!! 如果啊 E, 佢一日 24 小時中扣除 6 小時的休息時間, 餘下的18小時中...平均 30mins 一次電話突擊. 番工前, 放工後, 第一時間過來睇你, 話陪你, 要見住你...直至晚上 11時放人; 有事時, 一天60個電話再另加120個 sms 的關心說話和語重心長的叮囑 x 20 次等等...!! 你會點呢?

D: ... ...

C: 我想要的, 唔係一個一天24小時, 一年365日, 年中無休的看護 / 一個高度設防的警官啊...

D: ...


C: ...


上面的對話, 係唔係有點令人唔舒服, 令人討厭, 但係又好似好熟的對話呢? 係唔係聽過, or even 講過呢? 當然內容係有點誇張了...但仍然是時時發生的事情...

如果你係 B 聽到 D 的話, 你會有什麼感覺? 假如, 你係 D 聽到 B 的話, 又會有什麼感覺呢?

我諗好可能第一樣講的都係, 你唔了解我 or 你無考慮過的的感受...

其實, 我地就係咁...人就係咁...我地不論你付出的同時 or 接收的同時, 好多時都會按自己認為的去做去收...好少話真係思前想後再行動...其實, B 和 D 兩個都唔係完全錯晒. 只係大家做的方式有些問題.


給 好像 B 的你:

如果 B 係做咁多驚天動地的大事之前, 諗多一個小小的問題就可能唔會有 D 那番鬼泣神號的話語了...
個問題就係: 我做的係唔係真係 D 想要的呢?


問題 1: 我做的係唔係真係 D 想要的呢?

其實, D 係想要一個時時關心和緊張自己的女朋友, 但 D 并唔係想要一個時時都 check 住晒 年中無休的看護 / 一個高度設防的警官. 假如, 你付出幾多都好, 根本唔係對方想要的, 你再做幾多都無用...只會令對方唔鍾意, 可能重會討厭和感到煩擾...!! 正如一個只懂飲奶的 BB 仔想要的是一支奶, 你就算俾幾多山珍海味這個 BB 仔都無用的...因為佢想要的唔係什麼名貴的食物, 而係一支奶. 咁樣 BB 仔只會越來越唔開心, 越來越煩躁. 不論係任何一段關係, 就算係政治/商場都好...道理都是一樣...



給像 D 的你:

如果 D 肯想想點解 B 會做了咁多唔係佢想要的事. 問題就唔會搞到咁煩...惱了...!
問題: 佢點解要做咁多唔岩我心意的事呢?

好大機會, 只有一個可能性就係 B 根本唔了解 D. 但唔係完全 B 的錯, 因為有什麼人會知道對方想什麼呢, 又唔係對方身體中的一粒細胞...點知咁多呢...做好多事都係根據經驗和相處時的細心了解再做的(當然有些人真係唔理同方的). 要讓對方明白了解自己想要什麼, 唔係只係時間, 最重要係細心和耐性地教育. 只有多講多傾, 等對方知更多你的事和思想, 先會更容易相處...


其實, 上面好多都係經歷過的事情. 好多 case 都係因為大家唔了解, 按自己本子做事, 最後得來的是非自己所想的結果...!! 因此, 就寫了這篇文章, 用來提醒下自己...哈哈~!!!




Hans
19 Feb 2006

留言

  1. A 與 B 的對話﹐ 十足十我不久前和一個中學同學的對話。  不過我同學重誇張﹐ 成日想佢男朋有向上爬到她認為“事業有成” 的位置。。。。唉。。。。好彩我唔係男人。。。。。

    回覆刪除
  2. to 肥貓, 你同學點樣誇張啊? 我好有興趣想知道啊! 可以係度同我地 share 下嗎? 其實我已經覺得我寫 A 與 B 的對話已經係好誇張的... Hans

    回覆刪除
  3. 老總~ 再誇d我都听講........實在唔係好想寫出來............ 仲有呢d case唔單止係情侶身上....父母同子女身上都會有.................. 珮夫人

    回覆刪除
  4. to 珮夫人, 係啊....其實任何一後關係都會出現同樣的問題...所以要多想聽多想講 Hans

    回覆刪除

發佈留言

熱門文章

2018北海道自駕遊 + 閒遊東京- Day 13 真人瑪利奧賽車, 淺草寺, 小網神社, 人形町鯛魚燒 & 新宿炸牛扒

八天塔斯曼尼亞自駕遊–Day 2 天堂與地獄的食記

自家製魚肉燒賣+滷水豬腳仔 (已更新連結)