教你美白三部曲...

今天談美容...

對, 你沒有看錯...我今天真的談美容. 作為男生的我, 女生物大大小小不同的化妝品完全一點都不明白. 當我經過化妝品店舖時, 看到多到眼花的化妝品就會令我很配服女生物的勁強記憶力和化妝品組合能力. 真的一點都想不通為何女生可以記下數十種不同化妝品的用法和功能, 但就是記不到家中電器的用法.

不過正如我開始時講, 今天談的不是女生的腦袋, 係美容...

今天在家中沒事做, 就隨手拿起了一本由 Fancl 出的雜誌看看...原本只是想看看人家如何排板的....點知睇下睇下就睇到一篇啊蘇(蘇玉華)的美容心得. 唔知大家有無同感, 我個人幾喜歡啊蘇...不單啊蘇的演技好, 樣子又令人舒服, 人又幾好(感覺). 另外, 啊蘇的樣子總是有種十年如一日的感覺...時時都保持又白又美又精神的樣子...天啊...怎麼可能 keep 得咁好呢??




唔睇篇訪問真係唔知...其實說實話...啊蘇保養的心得真係好行...係...點解?? 因為佢話最重要做足三個 steps: 第一, 要保持心境輕鬆; 第二, 天天給皮膚補濕; 第三, 要做足防晒功夫.





但話是話, 雖然啊蘇的話好似好行, 但係真係至理名言. 講真, 就我自己而言, 佢提出的三點, 我一點都做不到. 要保持心境輕鬆, 其實我們天天都會因為小事煩惱和不快...當一個人煩躁時又點會可以輕鬆, 煩躁時人就會不自覺地把心中的煩躁放在臉上...不單不好看, 長久會使臉上多幾條"新幹線". 再者, 一個人心情唔好時, 眼中所看到的都會是不好的事...最後只會使自己鑽牛角尖. 因此, 心境輕鬆真係好重要的. 當我們開心時, 我們好自然會看到好的事, 思想都會正面一點, 做事自然都會好些更容易成功, 所以人都會精神點. 至於點先可以心境輕鬆些呢? 其實一點都不難, 做人晚晚在休息前寫下3樣在當日發生的開心事. 一個月之後, 你會自然正面和開心....

至於啊蘇話給皮膚補濕和做好防晒...這方面我自己不太在行了...要大家幫幫手教下我. 男仔ma, 當然唔太清楚啦...哈哈....不過我見妹妹用 fancl 用得幾好, 佢都只係用 fancl 的保濕個幾支....其他野我就唔清楚了...哈哈....

請大家分享...


Hans
25 Feb 2007


Reference:
ESPOIR by Fancl, Feb 2007

留言

  1. 哎呀!!!我本來還以為你是女生耶............超不相信~~~ 對不起啦~~~~~~ 我也是fancl的愛好者...(雖然有點貴,對我來說是有效的!!)

    回覆刪除
  2. re Pooh, 哈哈? 點解會認為我係女生啊? 不過我都有用過 fancl 的產品, 係支 潤唇膏...真係幾好用...貴了少少都係值的...因為個時吹 clarinet 成日搞到個唇好 dry, 無一隻 潤唇膏掂...只有fancl可以....哈哈...... re Hellene, thanks...^^ Hans

    回覆刪除
  3. TO POOH 係咪因為我係女生, 所以單純地覺得老總他也是女生呢 呵呵呵呵呵 to 老總 我今次回香港在銅鑼灣見過亞蘇真人~ 真係又白又靚!!!!!!! 其實想皮膚好 係應該飲多d水 飲唔夠水 你搽幾多補濕都無用 珮夫人

    回覆刪除
  4. 可能是在這裡看到的公仔都超可愛吧...
    感覺好像女兒家出品喔..........
     
    p.s如果是潤唇膏的話我會推介clinque呀!!!有水水的感覺~~冬天定番入荷item呢~

    回覆刪除
  5. re pooh, 謝謝你對 FreeL@nd 的公仔的欣賞....我都知道d公仔太女孩子了...不過只會畫這些, 哈哈........ 另外, clinque 第一次聽的....對不起, 我不太懂這些事...哈哈........是不是很貴的? Hans

    回覆刪除
  6. to pooh, 我覺得資生堂個隻water in lip好正 ! 不過唔係成日有貨 to 老總 搵日請你跟我去行一行街我話你知咩係clinque / 叫你女友同你行街 珮夫人

    回覆刪除
  7. 珮夫人>>嘩.........真的嗎?好想試試看!!(女生愛花錢呢!!) 老總呀>>我不曉得算不算貴呀!!因為它有base(100多蚊)和潤唇膏(100多蚊)的!!兩枝一起用當然最好啦(據小櫃姐姐說),但我只用了base,冬天咀咀的死皮秒速消失<--好誇張!!

    回覆刪除
  8. TO POOH 唔知會唔會arm你用 water in lip 係莎莎/ 卓越有得賣 around $2x @ 不過真係成日都無貨 珮夫人

    回覆刪除
  9. re Pooh, 唔....$100 一般啦....算是不太貴吧.......(這些野全部都是差不多的貴...哈哈).........有機會會看看...謝謝.... re joey, 有機會再問你..... Hans

    回覆刪除
  10. $2x蚊的確抵... 等我去看看先~!

    回覆刪除
  11. 想不到你會看此書!不妨告訴你,我曾經在此公司工作過三年,就是主編這本的。哈哈!

    回覆刪除
  12. re 第一百隻羊 , 是真的嗎? 真係想不到會在 internet 上遇到雜誌的主編... 其實我都係因為陪妹妹買野時看見拿來看看...其實有些內容都幾有趣........ 個人比較喜歡 cooking 那 part Hans

    回覆刪除
  13. Hi there, nice to meet you and all the best. Feel free to visit my blog: hk.myblog.yahoo.com/mar-gesu
    Which is written in Chinese, English, Italian, French, Spanish and Portugese. 兩塊田祝福你 , 願意與你做好友 . 新網誌 — 蟻酒治癒嚴重吼喘及糖尿病 . 訂閱我吧 .

    回覆刪除
  14. 蘇玉華...我也很欣賞她!除了演技外當然皮膚也keep得很好,我會買來看看,因為我也是愛美麗的小女人!

    回覆刪除
  15. 我好多時攞佐番屋企都唔睇架, 所以之後都冇佐個"隨手攞本睇下"o既習慣, 今次真係蝕喇, 我好鍾意阿So架, 對佢o既感覺正如你文中所講一樣, 同埋佢好有觀眾緣、好"come"睇. 我係第一百隻羊個friend, 不過都係識佐大約兩年, 我都唔記得原來佢o係Fancl做過主編添呵呵!

    回覆刪除
  16. re ƒi ღ , 其實我都唔係次次看的. 只係今次看見有啊so, 所以看一看. 的確, 啊so 真係好有觀眾緣、好"come"睇. 另外, 真係想唔到原來你係 "第一百隻羊" 的朋友, 幸會...!! re carol, 係嗎? 哈哈.....其實太多數女生都是愛美麗的小女人, 只係程度問題...!! 不過這是正常的, 只要唔好太貪美就可以了!! 另外, 真係好欣賞啊so, 因為佢個種敬業精神. 次次看啊so拍的電視/影片, 都俾佢深深吸引.... re martin di gesu , 多謝分享 Hans

    回覆刪除

發佈留言

熱門文章

回味.幸福(六)

Finally....... I AM AUSTRALIAN

(已結業) Meega Korean Restaurant @ Glen Waverley