why we blog

why we blog?

係一個月前我在書局中看到一本名為 "Why We Blog" 的書. 這本書係由 Sina Blog 的其中一名員工所寫的...內容主要係講下 Sina blog 中的用戶的 blog

當我第一次看到這本書時, 我都問自己 why I blog. 特別係點解要搞 FreeL@nd 呢? 係咩原因令我咁做呢!!

對於一些人來說 blog 好似一個繁華都市中的一個小小私人空間, 在那 blog 中寫下自己的事, 寫下心中所思所想. 雖然寫的都不一定是什麼特別的事, 但唔多唔少都有些想在 internet 大海中尋到知音人. 其實我何嘗唔係呢!

回到今天的問題, why we blog...

其實我一直都有寫開 website, 不論是自己又好, 交功課的, 以至工作上幫公司寫的都有. 雖然數量不多, 但個個都係好比心機做的. 但係寫開 website 的人都應該會知道, 要成功做到一個吸引人的 website 真係好唔容易, 可能係幾多百個中先會有一個係成功的. 一直以來, 應該有唔少的人認為我做的事係浪費精神的, 因為根本就無太多人會注意, 更何況根本就係無回報的事.

其實, 我自己都好清楚以上種種的因素, 只係我就係想寫. 點解? 可能我一直都想做一些事出來, 想做一些實物出來, 想有人知道, 其實說到最後....可能原因就係想有人認同. 講真, 一開始時真係無咩人會支持的...但好在一直都有位好朋友(joey)支持...joey 係我成立這個 blog 時, 第一位支持我和參與的人. 假如無 joey , 我都唔認為這個 blog 可以支持到現在...因為一個人支持一個站并唔係一樣容易的事....

另外, 我除了想做一些事出來之外, 重有一個原因支持我繼續寫個 blog, 就係一個 idea - "分享". 這點同我個人性格有關的. 我自從來了澳洲讀書後, 好多時多好事都要一個人去學習去面對, 好的時候就無多大問題...但人心1有唔開心和失8的時候, 那時候假如沒有人支持你和關心你/陪住你...人就好容易會越來越唔開心和鑽牛角尖. 因此我慢慢就開始發現 "分享" 的重要, "分享"唔係只係"分享"開心的事, 重有唔開心的事. 不論係什麼事都好, 假如你只係一個人, 你又點會開心啦...但"分享"就唔同....當一個人同另一個人"分享"時候, 你的開心就會擴大和影響你周圍的人...就係因為這個原因一直支持我繼續寫這個 blog. 當然我唔係要做什麼偉人, 我只係想同我的家人和朋友, 同埋一些不認識的人"分享"我的快樂...想令大家來到這裡會有一種開心和溫暖的感覺...

好耐之前, 我同我的一位 uncle 傾談中....佢指出 FreeL@nd 根本就沒有一個主題, 好像只係呢度寫d個度寫d...樣樣都有d的 blog, 沒什麼特別的地方. 其實我個人很清楚這點...都有想過提出一個主題...但最後同 joey 傾過之後都係決定保持原狀. 很奇怪嗎? 對...真的很怪, 說 FreeL@nd 是旅遊 blog, 又唔可以話係; 是個人日記嗎, 不是; cooking book, 更加唔係; etc etc 可以話係三不像!!

但最近我想到了...其實我們係主題的, 只係我地的主題唔明顯...我地的主題係一個要用心感受的主題. 正如我岩岩所講, 其實成立 FreeL@nd 的原因係要"分享"快樂, 令大家有一種開心和溫暖的感覺, 而這個正正係 FreeL@nd 的主題. 而這個主題由 生活 和 創作 開始...

其實我們個個人天天都係度創作. 創作唔一定要畫畫, 唔一定要寫作, 其實最基本最基本的創作就係我們的生活. 我們由出生那生開始創作, 創作的原因和目標都係一樣的 - 就係要令我們的生活更快樂,更好,更舒適. 因此, 我們由出生那天開始創作我們的人生, 從食野的習頓和喜好到朋友, 家庭, 社區等...我們天天都在創作...因為創作就係生命的一部分....所以 FreeL@nd 的主題就由我們的生活, 我們的創作開始; 再由 FreeL@nd 把我們的每一天的創作成果放上來同大家"分享"

簡單來說, "分享"我們每一天生活中的創作成果, "分享"我們大家的快樂和溫暖就係本站 (FreeL@nd) 的主題.
那你呢? why you blog?


Hans
9 Mar 2007


PS 今天打了很多字, 可能有錯字, 請大家見諒....

留言

  1. 哇好野我第一!!! 其實我最初開blog係為佐回應朋友o既blog, 之後就開始寫下野, 主要紀錄其中一隻家貓o既懷孕過程(不過後來貓貓原來係有病唔係大肚囉), 之後愈寫愈多野, 特別係去玩呀、去食呀、去影相呀咁囉. 主要想同人分享, 仲有有d感受, 係平時唔會同親人/朋友講出口o既, 咪寫埋出黎囉.

    回覆刪除
  2. why we blog?簡單來說, "分享"我們每一天生活中的創作成果, "分享"我們大家的快樂和溫暖就係本站 (FreeL@nd) 的主題. 那你呢? blog...中文翻譯是否叫網誌.意思是網絡中的雜誌吧.在地球村 internet 是一項重要產品.每一個blog就是一個專欄,經營一個成功專欄.必然有一個艱辛的過程.金庸在報紙主題寫武俠專欄用了十年八年才擁有一批讀者.(FreeL@nd) 用了這麼的時間便有一批讀者.成績是不錯了! 經營一個blog要有一個主題.才可以有一批長期的讀者.或者叫客戶,正如你文中提到好耐之前, 我同我的一位 uncle 傾談中....佢指出 FreeL@nd 根本就沒有一個主題, 好像只係呢度寫d個度寫d...樣樣都有d的 blog, 沒什麼特別的地方. 其實我個人很清楚這點...都有想過提出一個主題...但最後同 joey 傾過之後都係決定保持原狀. 很奇怪嗎? 對...真的很怪, 說 FreeL@nd 是旅遊 blog, 又唔可以話係; 是個人日記嗎, 不是; cooking book, 更加唔係; etc etc 可以話係三不像!! 但最後同 joey 傾過之後都係決定保持原狀. 簡單來說, "分享"我們每一天生活中的創作成果, "分享"我們大家的快樂和溫暖就係本站 (FreeL@nd) 的主題. 意思說 的主題是寫生活.生活是作品的必需品.就好像水是人的必需品.水也需要包裝才有價值.如蒸餾水.寫生活也是一樣.生活包裝有一種叫做 "靈" .不是宗教信仰的靈.寫生活的靈就是寫生活的精品.相當有價值.希望作為你們   FreeL@nd     主題的參考.  

    回覆刪除
  3. re ƒi ღ, 勁...第一名...原來你 blog 的原因係咁, 那你的 家貓現在情況好嗎? re 熨拓者, 謝謝你的分享....其實 FreeL@nd 的主題就係創作與生活....or 生活中的創作....我想這就是我們現在的方向.............不清楚是否成功, 但會努力.... Hans

    回覆刪除
  4. 咍哈 係我自己blog 都寫過的篇”寫blog的日子”  好有同感,blog要有人支持,與人分享,愈寫愈開心,努力呀!!

    回覆刪除
  5. re JaKa Footprint , 對啊...有人分享會越寫越開心...多多支持啊!! Hans

    回覆刪除
  6. 開blog之前,我一直很想發揮自 已的創意及表達

    回覆刪除
  7. re 溫妮莎, 咁岩?? 其實我同你的原因差唔多.......哈哈 hans

    回覆刪除
  8. 我想信當我們一開始寫Blog時,我們都想我們心裡面的一些idea, message可以與一些朋友甚至一些素未謀面的人分享。你的問題好有啟發性,令我想清楚我寫Blog的原因。繼續努力!

    回覆刪除
  9. blog...現在是我抒發情感的渠道,沒有blog,我便甚麼可寄托!

    回覆刪除
  10. re 泰珊之巔 , 謝謝你的讚賞. 其實大多數的人都可以像我們一樣, 只是為了寫下一些個人的 ideas 而開始 blog. 但日子久了...我們開始認為了不同的人從而開始分享, 再創造新的 ideas....... re carol, 你很像我一位好朋友. 其實 blog 會是一個很好的空間讓我們在這繁忙的都市中給我們的心休息一下的地方. 但不要只重視 blog 的 world 因為這不是我們生活的全部啊...只是我們的一部分. 讓我們的生活更多元化....take care Hans

    回覆刪除

發佈留言

熱門文章

回味.幸福(六)

Finally....... I AM AUSTRALIAN

2018北海道自駕遊 + 閒遊東京- Day 4 札幌電視塔 +拉麵共和國 吉山商店