令人回味的美食

我愛吃, 但最令我回味的偏偏不是什麼特別的美食
我最回味的是婆婆弄的東西

從小都是婆婆都是負責照顧我的
一日三餐都是出自她手的
什麼滿漢全席她不懂
她只懂一些簡單的家常小菜
我的手勢也是師承於她的 !
不過她現在也一把年紀
再加上家裡有傭人她也很少下廚了

很懷念從前跟婆婆2口子的午餐時間
一小塊咸魚, 一磚腐乳加一些糖花, 一碗白飯或撈蝦子麵
雖然簡單但我也吃得津津有味
不過這些東西都不會在我家出現了
媽媽大人已落禁令咸魚腐乳這些加工食品一律在我家禁止出現!
可惜可惜 !

跟婆婆生活了這麼多年
也發生了不少有關食物的趣事

1) 小時候在香港仔生活, 在現時BLUE STAR位置
(應該改了名... 但想不起來...就在595巴士站對面的)
是一間賣燒味和一間壽司的食店
閒時婆婆會到那裡買個燒味飯加底作為我倆的午餐
跟婆婆去買飯時, 我經常對著那些壽司雙眼發光!
相信大家都知道老人家不太喜歡這些生冷食物
所以也不會理會我的發光雙眼,買了飯就回家去

不過其實她很寵我的
某年某月某日她跟我去買飯的時候
就給我買了一盒太卷壽司
我記得這盒壽司令我樂上了半天!

2) 從小我都很愛「掃街」,
可惜小時候媽媽又被禁止了
原因? 無他...
她覺得污糟嘛, 所有她覺得污糟的東西她都禁止我吃的
不過早說了我婆婆很寵我
每每跟她回大圍老家的時候,
她都會到火車站附近的小販檔給我買些燒賣,魚蛋,茶葉蛋等給我邊走邊吃
如果我沒有跟她回去
回我家的時候都會買個茶葉蛋或雞脾給我

3) 快樂的下午茶時間
快餐店的豉油雞脾/一碗豆腐花/一碟腸粉
婆婆最愛買這些東東給我做下午茶

4) 婆婆是一個只會弄中菜的人
但某天突然說要弄個沙律給我吃
當然我是十分驚訝!
見到成品後令我更哭笑不得 ... 因為....
青瓜變得光脫脫, 一點皮也不留
我問婆婆青瓜的皮呢 ?
她說污糟嘛所以把它通通批走!
(可見我家的人是有點潔癖...)
但問題是....平常家裡吃的炒青瓜是連皮的 !
難道那些是特別乾淨的 ?

5) 老人家年老的時候就特別像一個小孩子
久不久婆婆就會約我去麥當勞吃東西
一個芝士漢堡/魚柳包 + 一杯熱古力 就是婆婆的至愛
每一次去她都只愛點這2個
但不停地偷吃我的薯條 ! 哈哈
還問我夠不夠, 用不用去買個麥樂雞

回港的時候, 我會買些零食在家
薯片呀, 朱古力等等
目的不是給我吃...而是...給我婆婆吃
(自少養成的習慣, 我很少吃零食的!)
她看到我有零食就會拿來吃
還會跟我投訴那個薯片不好吃呀,那個糖味道不好
下一次不要再買
她最愛的是WASABI豆! 想不到吧 !
每一次回港我都會買些好東東給婆婆吃
我不在香港的時候她又會捨不得花錢買東西吃

6) 最後這個是最經典的 !
上一次回港, 約會完畢返到家時
剛說過「我回來了」
正在「釣魚」的婆婆就醒來問我... 有沒有東西吃喔?
這個婆婆真是攪笑 !


就是因為有著愛的關係
所以婆婆弄的每一道菜買的每一樣東西也是好味道的
亦是令我最回味的 !




珮夫人

留言

  1. 咁你回來時俾多一些時間同陪婆婆啦
     
    [版主回覆11/03/2007 13:02:00]我有排都未返得香港呀 ~_______~" 不過佢12月會過來melb 探我 ! 呵呵呵呵呵 珮夫人

    回覆刪除
  2. 咁都好,地區不是問題,問題係什麼人
    [版主回覆11/03/2007 19:04:00]~__~" 不過我移民左過來之後就唔係成日見到佢啦 佢又唔肯飛過來 我短時間內又返唔到去搵佢... 珮夫人

    回覆刪除
  3. 看你信篇文章令我想起了一本書,名叫佐賀的超級阿嬤。 相信你對婆婆的感情一定很深厚。 12月嗰時記得整番餐愛心餐畀你婆婆食呀,回饋吓佢對你嘅愛。
    [版主回覆11/03/2007 19:19:00]我真係好錫佢既 雖然我成鬼日都話佢 因為佢真係蠢蠢的..... 佢2個女就最錫佢 但佢呢世人最緊既就係佢2個仔 (無錯嚴重重男輕女既佢) 偏偏2個仔都唔肯去照顧佢, 近乎厭棄佢 一個60歲都來緊都唔曉照顧自己 要我婆婆大人去照顧佢 另一個俾我稱為賤人親戚既仔 自從過左來澳洲之後無再供養過婆婆 真係唔理佢個隻, 電話都無個 咩都唔同佢講, 次次都係賤人親戚個老婆講俾佢亞媽知再話俾婆婆知 (包括埋生仔呀之類既大事 ...親家都有份幫手...但婆婆大人... 咪一直都係等親家講佢知囉.... 我表弟出左世成年啦...婆婆都未見過佢....都唔知今次去澳洲睇唔睇到tim....唉...) 睇見都心痛... 同佢講叫佢對自己好d啦..都一把年紀 佢就係都要維護住個2個仔 始終婆婆係一手一腳"湊"大我既 而佢又係最寵我既,成日話我係佢最細個女 lol 出世開始就痴佢, 3歲前都係同佢係大圍住 以前bb個陣假日媽媽大人抱我返屋企住 我就喊到7彩唔肯訓 所以一直以來婆婆大人都係同我一齊住 (連表哥佢都話婆婆佢錫我多過錫佢!) 放心我會整既~ 不過可能要偷偷地整 因為.........我婆婆大人+姨媽大人一係度... 廚房會變左係我禁地 佢地唔俾我去煮 珮夫人

    回覆刪除
  4. 我都覺,睇完這文章,冷漠的我都有點感動
     
    [版主回覆11/03/2007 19:22:00]白水水~多謝你既感動 珮夫人

    回覆刪除
  5. 咁你教佢用電腦眼仔你估得唔得?
    同我本來不想說,怕你笑我--->冷漠的我都有點感動
    [版主回覆11/03/2007 20:16:00]婆婆大人真係無可能... 佢隻眼唔好.. (佢有一隻眼近乎睇唔到野...另一隻都得番少少視力 ) 我email d相返香港俾媽媽大人 佢俾婆婆大人睇佢都睇唔到 係要我曬哂出來佢先睇到 ! 點解我要笑 ?! 珮夫人

    回覆刪除
  6. 咁就真係唔太得
    白內障呀?
    [版主回覆11/03/2007 20:48:00]佢後生個陣有急性青光眼... 做左手術 老左又有白內障 醫生叫佢做手術整整隻眼..佢又驚... 驚做左之後連個少少都睇唔到 珮夫人

    回覆刪除
  7. 驚係人人都係咁,可妨都一把年紀,慢慢來..
    [版主回覆11/03/2007 21:28:00]婆婆唔多想啦... 所以係咁推個醫生 上次睇左醫生拎左我出來擋 因為要睇我GRAD唔肯去做手術 珮夫人

    回覆刪除
  8. 其實都沒有辦法,只有到佢完全睇唔到時,佢諗法先會有改變
    [版主回覆11/05/2007 16:38:00]唔希望有個日既出現 ~_~ 珮夫人

    回覆刪除
  9. 你婆婆咁叻識搭飛機周圍去既
    要珍惜同佢geh時間ar~~
    話唔定你整番餐滿漢全席佢嘆都會好開心嫁
    p.s.考完盛番果2科未ar~~完左就好好relex一下
    have a nice weekend
    [版主回覆11/05/2007 16:39:00]要佢自己一個佢唔肯飛ga~ 係要有媽媽/姨媽陪先肯 ! 我今日先考左一科 下星期一先正式考完 珮夫人

    回覆刪除
  10. joey, 你的文章讓我想起 grandma !! hans
    [版主回覆11/05/2007 16:39:00]即係你唔睇我篇文又唔想起佢既 XDDDDD 珮夫人

    回覆刪除
  11. Joey: 我好明白你婆婆的心在想什麼,兩個女照顧到自己同埋有交帶,所以會特別擔心另外嗰兩個。到底係唔係重男輕女呢,我唔敢講,不過我相信佢一樣有擔心你媽媽和姨姨的時候。
    [版主回覆11/05/2007 16:39:00]希望係咁啦~我呢D做細既都無咩聲可以出 ~ 珮夫人

    回覆刪除

發佈留言

熱門文章

Darac Grill & Bar @ Melbourne CBD

2018北海道自駕遊 + 閒遊東京- Day 13 真人瑪利奧賽車, 淺草寺, 小網神社, 人形町鯛魚燒 & 新宿炸牛扒

FreeLand 8 週年紀念禮物