買樓的迷思.....


自從澳洲政府在上年推出十分優厚的首次置業津貼
男友大人一直對這筆津貼虎視眈眈
由三萬八變到二萬都依然「口水流」

近日他又跟我提起買樓的事宜
他跟我說..這是上車的最後機會
我問他...不可以等多幾年, 等我們收入穩定一些, 存款多一點才買嗎?
他說...再等多幾年我們便會負擔不起樓價, 而且政府的津貼可以讓我們省回2年儲錢的時間

情況有這麼糟嗎?

對於我來說....買樓這個玩意實在是負擔不起
我倆才畢業2年多....財政獨立了只是短短2年的時間
而且我倆收入不多
銀行戶口當然沒有什麼錢

很勉強地才拼湊出首期
再加上我的2份看似很穩定的工作,實際上也不是full time
要銀行批出樓按給我們
未免也太妙想天開

當然如果銀行王恩浩蕩把樓按批了
我們還是供得起的....
只不過有一點危險而已
萬一有什麼閃失...我倆其中一個失業
那就..........

 

而且我還有些隱藏問題
我的媽媽大人不久將來就會移民過來墨爾本
移民外國是她畢生的願望
我只是幫她完了個心願
媽媽來到澳洲之後
但我這個做女的怎樣也要照顧她的起居飲身
而且媽媽也說了不會跟我倆一起住...租樓又要用些錢 

試問我那份少少的薪水怎能做這麼多的事情 ?

 

我明白男友大人厭倦了這種租樓的日子
而且他亦都很想跟我二人世界有一個安樂窩
但何苦我們要這樣兵行險象?

 

 

 

 珮夫人



留言

  1. 中國人始終都想自置物業. 早棑我有個疑問,响澳洲係咪應該買屋?因為呢度唔同香港,間屋有咩事,又要自己煩,保險又未必賠,呢度做嘢又慢... 最近我發現呢编 "在澳洲:买房还是租房, 哪个划算?" http://www.aobo.com.au/thread-122890-1-1.html,珮夫人,你可以睇吓。
    [版主回覆08/04/2010 19:37:00]多謝分享 已經forward左條link俾男友大人睇 其實係澳洲長住的話 係應該買番間屋既....始終有個竇口自由d嘛 (純粹我唔係幾鍾意要成日搬屋或者agent成日來check屋...屋主又唔俾lee又唔俾路..) 不過我唔想咁快je..... 來左澳洲咁耐...已經train到我男友一身好武功 係家中既handyman 所以除非間屋真係好大件事...好似落雹整爛左 如果唔係都唔太擔心既 珮夫人

    回覆刪除
  2. 我地第一次買樓既時候, 買左一間當時好平既2房unit,  個時first home owner grant 只有7千蚊, 起初供時係有D辛苦, 因為之後個interest 加到差唔到9%, 最近呢2年個利息先跌返D, 不過呢, 如果當初冇呢間咁舊既2房unit, 今日我地買唔到而家呢間屋, 係因為間unit 係2年內升左好多, 銀行先批mortgage 俾我地買第2間屋, 而家間unit 租出去都可以cover到個mortgage, 仲有D錢剩俾agent 既management fee. 一開始係辛苦D, 不過我認同你男朋友講, 即使等多1-2年, 呢2年你地所儲既錢, 都係追唔到個樓價既升幅, 我地而家係adelaide 既market 已經買唔到當時買unit 那個價錢, 即使比我地間unit 差既都買唔到, 只係3年前既事only
    [版主回覆08/05/2010 00:23:00]我都明白呢邊既樓價有升無跌.... 要供既...我地點都供得起 只係我好怕我會突然無左我既2份工..... 咁就真係大件事....... 靠男友份人工..真係唔知拎來供樓定食飯 始終我2份都唔係full time, 2份都係casual 2份表面睇落好安定 但公司痴起上來話唔要我就可以唔要我 前幾個月我先俾人cut完鐘來.....所以我先咁驚 如果我有份正正經經既full time 我就唔使擔心咁多 珮夫人

    回覆刪除
  3. 你呢個情況真係好難做呀﹗ 不過真係要STABLE的先好做呢的決定呀(我覺得)~ 唔係到時你兩個挨得太辛苦會傷感情架﹗ 加上你媽咪又黎你度生活~ 不如再諗下先啦﹐你地兩個都仲後生~
    [版主回覆08/05/2010 20:34:00]唉.......... 都要勸得掂男友先得咖......... 好在仲未有一間心儀既樓... 如果唔係佢應該走左去銀行申請樓按準備買咖啦 珮夫人

    回覆刪除
  4. 移民外國都唔係心目中咁好,我父母厭呢度悶,無香港咁多野玩多野食, 所以都係住係香港好
    [版主回覆08/05/2010 20:27:00]我亞媽來左呢度住過好幾次咖啦 佢真係好鍾意呢度..... 佢既自娛能力仲叻過我.... 珮夫人

    回覆刪除
  5. 係嘅,供完屋後最開心係唔使交租,份人工可以點使都得。所以我個疑問都未有答案! 你有2份casual工咁好吖,我都想揾份casual工做吓吖! 你可以以一份casual工嚟計吓,睇吓够唔够供囉!
    [版主回覆08/05/2010 20:31:00]其實無左是但一份都供唔掂..... 所以我先咁驚 呢度搵工係難少少咖啦 無番d network都好難搵到好少少既工 珮夫人

    回覆刪除
  6. 好似借 mortgage 時銀行會要求客戶買個乜乜保險, 萬一真係供供下樓失業都有保障到咁......但詳情我唔太清楚, sorry :P
    [版主回覆08/06/2010 23:02:00]哈哈哈~~ 唔打緊唔打緊~~ 我始終都想...等我份工穩定d先 珮夫人

    回覆刪除
  7. Mitsubishi Shinjuku星期四, 8月 12, 2010

    置業總有一日要面對, 唯有貴有貴住/平有平住, 唔買house買unit細少少都可以吖~  總之大家有相有量就ok啦~

    回覆刪除

發佈留言

熱門文章

2018北海道自駕遊 + 閒遊東京- Day 13 真人瑪利奧賽車, 淺草寺, 小網神社, 人形町鯛魚燒 & 新宿炸牛扒

1617日本跨年之旅- Day 13 淺草寺 + 淺草周邊

2018北海道自駕遊 + 閒遊東京- Day 12 箱根一天遊